21/05/08

Comunicármonos

Acabamos de ver este fermoso video de Ponte nas ondas e queremos compartilo con todos e todas vós, fermosa metáfora a da lingua servindo de ponte para nos comunicar e nos comprender, para namorar, ...

14/05/08

Achégase o Día das Letras Galegas


Como sabedes, o sábado é o Día das Letras Galegas. Esta data vén celebrándose desde o ano 1963 e xorde como celebración da creación literaria en galego. A data escollida ten como orixe a celebración do centenario da publicación de Cantares gallegos de Rosalía de Castro. Todos os anos conmemórase un autor diferente e este ano o día rememora o poeta e ensaísta Xosé Mª Álvarez Blázquez. Para saber máis deste autor propoñémosvos que sigades esta webquest que sobre a súa figura elaboraron os compañeiros/as dos IES de Fene e do Afonso X o Sabio de Cambre.

12/05/08

XV Certame Literario. Concello de Cambre


O 9 de maio falláronse os premios do XV Certame Literario do Concello de Cambre, nesta edición foron premiados os seguintes alumnos e alumnas deste IES:

Categoría B:

Segundo Premio de poesía: Cinthia Mourelle Schüsselin

Accesit poesía: Sandra Lantes Tasende e Alejandro Alonso Eiroa

Segundo Premio de narrativa: Blanca Mosquera Lareo

Accesit narrativa: Sara Iglesias Rivas

Categoría C:

Segundo Premio de narrativa: Marta Barbeito Garrido
Parabéns a todos os premiados

10/05/08

Día da Ciencia na Rúa




Como todos os anos os museos científicos coruñeses organizaron no Parque de Santa Margarida o Día da Ciencia na Rúa que vai pola súa décimoterceira edición. Este ano a nosa participación foi moi numerosa pois ata Coruña desprazáronse case cen alumnos e alumnas de 3º e 4º de ESO e 1º de Bacharelato. Entre outros experimentos, realizáronse degustacións de produtos elaborados in situ e que tiveron moito éxito de público, estes encadrávanse nunha actividade denominada Ciencia e cociña. Non faltou unha exposición de libros relacionados con este tema.

Teatro




O xoves día 8 de maio o grupo de Teatro Rebuldeiro do IES Monte da Moas de A Coruña, estivo no noso centro para representar a obra de Jenaro Marinhas del Valle Pequena farsa dos amores desencontrados. A representación foi un éxito.

Correlingua 2008







O martes 6 de maio comezou o Correlingua, esta vez na cidade de A Coruña, seica eramos unhas 6.000 persoas as que fixemos o percorrido desde a Torre de Hércules ata os xardíns de Méndez Núñez. Foi unha marea azul que navegou pola cidade para berrar que "en galego cabe todo".